பழமையும்,பெருமையும் வாய்ந்த ஆவியூர் ராஜேந்திர சோழீஸ்வரமுடையார் திருக்கோவில் சிவனாலயம் என்றாலும் இங்கு சிவனில்லை அவருக்கு பதிலாக அவரது பிள்ளை விநாயகர் எழுந்தருளியுள்ளார்.கி.பி 11 ம் நூற்றாண்டில் முதலாம் இராஜேந்திர சோழனால் எழுப்பப்பட்ட திருக்கோயில் இது.இந்த காலத்தில் பாண்டியநாடும் சோழர்களின் ஆட்சிக்குட்பட்டு இருந்தது.இதனை முன்னிட்டு மூலவர் இராஜேந்திர சோழீஸ்வரமுடையார் என அழைக்கப்படுகிறார்.ஆவியூர்,வயலூர் நாடு எனும் பகுதியில் அடங்கிய சிற்றூராக விளங்குகிறது.நாளடைவில் கோயிலின் மேல் தளம் சிதிலமடைந்து வழிபாடுகளும் குறைந்தது.எனவே மூலவரும் ஆதிபிரானுமாகிய ஆவுடை லிங்கேஸ்வரர் திருமேனி மறைந்து போனது.வெகு காலம் ஆகியும் புதர் மண்டிக் கிடந்தது இந்த ஆலயம்.பின்பு சில வழிபோக்கர்கள் கண்ணில் பட்டதே இதற்கு புனர்வாழ்வு பெற வழிவகுத்தது.
மூலவர் இல்லாமல் போகவே மூலமுதற் கடவுளான விநாயகரைப் பிரதிஷ்டை செய்து நித்ய பூஜைகள் நடைபெற்று வருகின்றன.முகமண்டபம்,அம்மன் சன்னதி என எல்லாமே மாயமாகிப் போன நிலையில், அர்த்தமண்டபம்,கருவறை,மூலவர் விமானம் ஆகியவை சிதிலமடைந்து போனது.ஒருவேளை பூஜை மட்டுமே நடக்கும் இந்தக் கோவிலை இப்பொழுது சீர்படுத்தி வருகிறார்கள்.
வழிபாடுகள்:
வெள்ளிக்கிழமைகள்,பிரதோஷம்,பௌர்ணமி,திருவாதிரை,சங்கடஹரசதுர்த்தி,சிவராத்திரி மற்றும் மார்கழி மாத 30 நாட்களும் விசேஷ அபிஷேக,ஆராதனைகள் நடைபெறும்.இங்கு இந்த ஆலயத்தில் வேண்டுவோர் வேண்டியபடி எல்லாம் கிடைக்கப்பெற்று வளமோடு வாழ்கிறார்கள்.
அமைந்துள்ள இடம்:
விருதுநகர் மாவட்டத்தில் உள்ள காரியாபட்டி மதுரை நெடுஞ்சாலையில் 15 கி மீ தொலைவில் ஆவியூர் அமைந்துள்ளது.பஸ் வசதி உண்டு.
தரிசன நேரம்:
காலை 7 – 10 மணி வரை.
மாலை 5 – இரவு 8 மணி வரை.
The post சிவன் இடத்தில் சித்தி விநாயகர் appeared first on Swasthiktv.
இந்தக் கோயில் கிழக்கு திசை நோக்கி அமைந்துள்ளது.நுழைந்த உடன் உள்ள மஹா மண்டபத்தில் வரையப் பட்டுள்ள அற்புதமான வண்ண ஓவியங்கள் கண் கவர் காட்சியாக உள்ளது. மேலும் நுழைவாயிலில் இருபுறமும் அமைந்துள்ள துவாரபாலகர்கள் சுதை வடிவில் அமைந்திருக்க அடுத்துள்ள கருவறையில் அம்சமாக அமர்ந்த கோலத்தில் அருள்பாலிக்கிறாள் பத்ரகாளியம்மன்.மேற்க் கைகளில் சங்கும், உடுக்கையும் தாங்கி,கீழ் கைகளில் குங்குமச்சிமிழும்,சூலாயுதமும் தாங்கும் இன்முகப் புன்னகையோடு காட்சி அளிக்கும் அம்மனின் அழகைப் பார்த்துக்கொண்டே இருக்கலாம் போல் தோணும்.தேவியின் முன் சிங்கமும்,பீடமும் அமைக்கப்பட்டுள்ளது.இந்தச் சன்னதியின் பிரகாரத்தில் மதுரைவீரன்,பட்டவன்,பிரசன்ன விநாயகர்,சாம்புவன்,முத்துக்கருப்பன் போன்ற மற்ற கடவுள்களும் அருள்கின்றனர்.மேலும் இங்கு நிறைய நாகர் திருமேனிகளும் நாகம்மா சிலையும் அந்தச் சிலையை ஒட்டி நிறைய பாம்பு புத்தும் இருப்பதாகக் கூறுகின்றனர்.இந்தப் பாம்புகள் அவ்வப்போது பக்தர்களின் பார்வையில் படுவதுண்டாம்.இந்தக் கோயிலை தரிசனம் செய்ய நாக தோஷம் வெகுவாகக் குறையும் என்பது மக்களின் நம்பிக்கை. பலநூறு குடும்பங்களுக்கு குலதெய்வம் இந்த என்றாலும் பல முறை திருவுளச் சீட்டு போட்டுப் பார்த்தும் இந்த அன்னை தன் கோயிலின் மேல் கூரை போட அனுமதி கொடுக்கவில்லை என்பது பலருக்கும் வருத்தம் தரக்கூடிய விஷயமாக உள்ளது.திருச்சியில் உள்ள வெக்காளி அம்மனைப் போலவே இந்த பத்ரகாளியம்மனும் வெயிலோ,மழையோ அதைத் தன் சிரசில் ஏற்றுக்கொள்வதாக ஐதீகம்.
யே வந்து பைரவர் சன்னதி கடந்து பாலகுஜாம்பிகை அம்மன் சன்னதி அடையலாம். கலை நுணுக்கத்துடன் எழில்மிகுவாக நான்கு திருங்கரங்களுடன் நின்ற கோலத்தில் வழிபடுவதோடு, சிலை வடிவில் உள்ள ஆர்த்தநாரீஸ்வரர், பனையை வணங்கி நம் வழிபாட்டை நிறைவு செய்யலாம்.
இந்திரஜூம்னன் என்ற மன்னன் கிருதயுகத்தில் நம் பாரதத்தை ஆண்டு வந்தான் அப்படி இருக்க அவன் மக்கள் மீது கொண்ட பாசத்தாலும் எம்பெருமான் ஸ்ரீமன் நாராயணன் மீது கொண்ட பக்தியாலும் தினமும் அவன் பகவானை பூஜை செய்து தன்னை மறந்த நிலையில் இருப்பான்.இவ்வாறு ஒரு நாள் அவன் தன்னை மறந்து இருந்த பொழுது மன்னனைக் காண துர்வாச மகரிஷி வந்தார்.பகவான் மீது கொண்ட அளவற்ற பக்தியாலும் தியான நிலையில் தன்னை மறந்து இருந்த காரணத்தாலும் மன்னன் மகரிஷி வந்த செய்தியை மறந்து விட்டான்.
சினம் கொண்ட துர்வாசர் மன்னன் தன்னை அவமதித்து விட்டதாக நினைத்து சீற்றம் கொண்டு மன்னனைப் பார்த்து பக்தியில் சிறந்தவன் என்ற மமதை உனக்கு தலைதூக்கி உள்ளது.அதனால் நான் வந்திருப்பதைக் கூட நீ மறந்துவிட்டாய்.ஆணவத்தால் பீடிக்கப்பட்டிருக்கும் நீ கொடிய மிருகங்களுள் மதம் பிடித்த யானையாகக் கடவாய் என்று சாபம் அளித்தார்.இதனால் நிலைகுலைந்த இந்திரஜூமன் அவரது திருவடிகளைப் பற்றி சாப விமோசனம் வேண்டினான்.கண்ணீருடன் கலங்கி நின்ற மன்னனைப் பார்த்து மனம் இறங்கி மன்னித்த துர்வாசர் பெருமாள் மீது நீ கொண்டுள்ள பக்தியால் நீ யானையாகவே இரு என்றும் ஒரு முறை உன் உயிருக்கு ஆபத்து வரும் அப்பொழுது பெருமாளை வேண்டி அழைக்க அவர் வந்து உன்னை காப்பாற்றுவார்.அப்பொழுது உனக்கு சாப விமோசனம் கிடைக்கும் என்றார்.அக்கணமே மன்னன் யானை உருவம் பெற்று காடுமுழுவதும் மதம் பிடித்த யானையாகத் திரிந்தான்.
காலம் பல கடந்தது.யானை வடிவில் இருந்த மன்னனுக்கு சாபவிமோசனம் கிடைக்கும் நாளும் வந்தது.தண்ணீர் தாகம் எடுத்த யானை வடிவிலிருந்த மன்னன் தற்செயலாக கபிஸ்தலம் திருத்தலத்தில் உள்ள கபிலதீர்ததில் நீர் அருந்தச் சென்றான்.அப்பொழுது முதலையின் உருவில் இருந்த கூஹூ எனும் அரக்கன் யானையின் கால்களை பிடித்து குளத்திற்குள் இழுத்தது.நீண்ட நேர போராட்டத்திற்கு பின்னும் தன பலம் இழந்த யானை குளத்தின் நடுவே உள்ள ஒரு தாமரை மலரை எடுத்து துதிக்கையால் பறித்து வானத்தை நோக்கி வீசியது.அப்படி வீசிய மலர் வைகுண்டத்தில் இருக்கும் பெருமாளின் கால்களில் விழுந்தது.அடுத்த நொடியே எம்பெருமான் ஸ்ரீமன் நாராயணன் கபிஸ்தலம் வந்தைண்டார்.அவர் அங்கு வந்து கஜேந்திர உருவில் இருந்த மன்னனை காத்து முக்தியளித்தார். அப்படியே அவனைத் தன்னுடன் இணைத்துக் கொண்டார்.
இவைதவிர, இயற்கையின் வினோதமான நிகழ்வுகளான சூரிய கிரகணம், சந்திர கிரகணம் ஆகியவை நிகழ்ந்து முடிந்ததும் பிரம்ம தீர்த்தத்தில் சந்திரசேகரர் தீர்த்தவாரி நடைபெறுவது இக்கோயிலின் மரபாகும். மேலும், தைப்பூச விழாவின்போது கிரிவலப்பாதையில் ஈசான்ய லிங்க சன்னதிக்கு எதிரில் அமைந்துள்ள ஈசான்ய தீர்த்தத்தில் தீர்த்தவாரி நடைபெறும்.
இவையெல்லாம் திருக்கோயில் குளங்களில் நிகழும் தீர்த்தவாரிகள். அண்ணாமலையார் திருக்கோயிலில் இருந்து புறப்பட்டு, ஆறுகளில் நடைபெறும் தீர்த்தவாரிகளில் பங்கேற்கும் நிகழ்வுகள் விசேஷமானது. அதன்படி, அண்ணாமலைக்கு அருகில் பாயும் தென்பெண்ணை, வடபெண்ணை என அழைக்கப்படும் செய்யாறு, கவுதம முனிவரால் உருவாக்கப்பட்ட கவுதமி நதி ஆகியவற்றில் நடைபெறும் தீர்த்தவாரியில் அண்ணாமலையார் அருள்பாலிக்கிறார்.
மாசி மாதத்தில் ரதசப்தமி திதியன்று கலசபாக்கத்தில் உள்ள செய்யாற்றில் சந்திரசேகரர் அலங்கார ரூபத்தில் எழுந்தருள்வது நிகழும். அப்பொழுது செய்யாற்றில் ரதசப்தமி தீர்த்தவாரி நடைபெறும். மேலும், அண்ணாமலையாரையே தவப்புதல்வராக பாவித்த வள்ளாள மகாராஜாவுக்கு, மகன் நிறைவேற்றும் கடமையாக ஆண்டுதோறும் திருவண்ணாமலை அடுத்த, பள்ளிக்கொண்டா கிராமத்தில் கவுதம நதிக்கரையில் மாசி மகத்தன்று நடைபெறும் தீர்த்தவாரியில் சுவாமி எழுந்தருள்கிறார்.
மாரி என்றால் மழை. மழையையும் அதனால் தோன்றக்கூடிய குளிர்ச்சியையும் வளமையையும் ஓரு பெண்ணாக உருவகப்படுத்திய பண்டைய கால தமிழ்மக்கள் அவளையே தாயாக வழிப்பட்டனர். மழை என்பதையும் – தாய் என்பதையும் சேர்த்து மாரியம்மன் என்று அழைத்தனர்.
அம்மனுக்கு சாத்திய மஞ்சள் முடக்கு அம்மை, புட்டாள அம்மை, வாதம், கை, கால், வீக்கம் போன்ற என்னற்ற நோய்களுக்கு மருந்தாக வழங்கப்படுகிறது. கண் பார்வை குறைபாடு, கண் பூவிழுதல், கண் சிவந்து நீர் வடிதல் போன்ற பிரச்சினைகளுக்கு சுயம்பு அம்மன் மீது அபிஷேகம் செய்த எண்ணெய்யை பிரசாதமாக வழங்கப்படுகிறது. செவ்வாய், வெள்ளி கிழமைகளில் மட்டும் அந்த எண்ணெய் கண்ணில் இட்டு வர கண் பிரச்சினை குணமடைகிறது. கண் பார்வை சரியானதும் அம்மனுக்கு வெள்ளி தங்கம் போன்றவற்றில் செய்த கண்மலர், வழங்கி பக்தர்கள் தன் வேண்டுதலை நிறைவேற்றுகின்றனர்.
குழந்தை இல்லாத தம்பதிகளுக்கு இந்த சுயம்பு அம்மன் பிள்ளைப்பேறும் வழங்குகிறாள். மஞ்சள் வண்ண துணியில் கூழாங்கற்களை அடிமடியில் வைத்துகட்டி கோயிலை வலம் வந்து அம்மன் சன்னதி முன் கட்டி தொட்டில் ஆட்டி விடுவர். பிறகு பிள்ளைப்பேறு கிடைத்ததும் அம்மனுக்கு எடைக்கு எடை நாணயங்கள், வெல்லம், பழம் போன்றவற்றை அவரவர் வசதிக்கேற்ப காணிக்கையை செலுத்தி வருகின்றனர்.
எண் திசையும் புகழும் புண்ணிய தலமாம் திருஅண்ணாமலையே ஓங்கி உயர்ந்த அந்த சிவமயத்தை பற்றி காதால் கேட்பதும், கண்ணால் பார்ப்பதும், மனமுருகி துதிப்பதும் சர்வம் சிவமயத்தோடு நாமும் கலந்து விட்டதற்கு ஒப்பாகும். சிவமயத்தோடு கலந்து, உருகி, மனம்கசிந்து அம்மலையாகிய அண்ணாமலையாரோடு அவர் பாதத்தில் அடிமைப்பட்டது போல், பெரும் சித்தர்கள், ஞானிகள் போன்றோர்க்கு முக்தியும், ஞானமும் கிடைத்த ஸ்தலம் திருவண்ணாமலை.
முக்தி தரும் ஸ்தலங்களாக கூறப்படுபவை ஐந்து. அவற்றுள் திருவண்ணாமலையை நினைத்தாலே முக்தி தரும் என அருணாசலபுராணம் கூறுகிறது. தேவையில்லாத எதை எதையோ நினைத்து எங்கெங்கோ வீணே பறக்கும் மணம். அருணாசலேஸ்வரர் எழுந்தருளி இருக்கும் திருவண்ணாமலையை நினைத்தாலே முக்தி கிடைக்கும் என்றால் இது உண்மையிலேயே இது எவ்வளவு எளிய வழி தேவாதி தேவர்களும் காண அரியவனாகிய அருள்கேஸ்வரன் வெறும் நினைப்பால், வழிபட்டு நலம்பெறலாம் என்றால் என்ன ! அவன் கருணை !
இந்து மதத்தில் எல்லாவித மனப்பான்மைகளுக்கும் இடமிருக்கிறது. அது எல்லாவற்றையும் தன்னுள் அணைத்துக் கொள்ளும் ஒரு பரந்தகோட்பாடு என்று சொல்லப்படுவது சரி தான்” என்கிறார்.
சிதம்பரம் நடராஜர்கோவில், இன்றைய அறிவியலுடன் மட்டுமல்ல, மனிதர்களின் உடற் கூறுடன் பொருத்துவதும் அதிசயமே, ஆகவே தான் நம்மை, அங்கு சென்று வழிபட வைத்து, உலகத்தின் காந்தசக்திக்கு கட்டுப்பட்டு, நோயின்றி வாழ, நம் முன்னோர் வழிகாட்டியுள்ளனர் இக்கோவிலின் அற்புதங்களும், ரகசியங்களும், ஆச்சர்யங்களும் ஏராளம் இன்னும், மனித ஆற்றலினால் கண்டுபிடிக்க இயலாத, பேருண்மைகள் இக்கோவிலின் அமைப்பில் புதைந்துபோய் உள்ளன.
மனிதஉடலை அடிப்படையாகவைத்து அமைக்கப்பட்டுள்ள, சிதம்பரம் கோவிலில், ஒன்பது நுழைவு வாயில்களும், மனித உடலில் இருக்கும், ஒன்பது வாயில்களை குறிக்கின்றன. கோவிலின் விமானத்தின் மேலே உள்ள பொற்கூரை, 21,600 தங்கத்தகடுகள் மூலம் வேயப்பட்டுள்ளது இது, ஒருமனிதன், தினமும் சராசரியாக, 21,600 முறைசுவாசிக்கிறான் என்பதை குறிக்கிறது. இந்த தங்கத் தகடுகளை பொருத்த, 72 ஆயிரம் தங்க ஆணிகள் பயன்படுத்தப்பட்டுள்ளன, இந்த எண்ணிக்கை, மனித உடலில் இருக்கும் மொத்த நாடிகளையும் குறிக்கின்றன, இதில் பல, கண்ணுக்குத் தெரியாத, உடலின் பல பாகங்களுக்கு சக்தியை சேர்ப்பவையும் அடங்கும். திருமூலர், திருமந்திரத்தில், ‘மானுடராக்கை வடிவு சிவலிங்கம், மானுடராக்கை வடிவு சிதம்பரம், மானுடராக்கை வடிவு சதாசிவம், மானுடராக்கை வடிவு திருக்கூத்தே” என்று கூறுகிறார். அதாவது மனிதன் வடிவில் சிவலிங்கம், அதுவே சிதம்பரம், அதுவே சதாசிவம், அதுவே அவரின் நடனம்” என்ற பொருளைக் பொன்னம்பலம், சற்று இடதுபுறமாக அமைக்கப்பட்டுள்ளது இது நம் உடலில் இதயத்தை குறிப்பதாகும், இற்த இடத்தை அடைய, ஜந்து படிகளை ஏற வேண்டும். இந்த படிகள், பஞ்சாட்சர படிகள் என அழைக்கப்படுகின்றன.
பொற்கூரையின் மேல் இருக்கும் ஒன்பது கலசங்கள், ஒன்பது வகையான சக்தியை குறிக்கின்றன. அர்த்த மண்டபத்தில் உள்ள ஆறு தூண்கள், ஆறு சாஸ்திரங்களையும், அர்தத மண்டபம் அருகில் இருக்கும் மண்டபத்தில் உள்ள, 18 தூண்களும், 18 புராணங்களையும் குறிக்கின்றன.சிதம்பரம் நடராஜரின், ஆனந்ததாண்டவம் என்ற கோலம், ‘காஸ்மிக்டான்ஸ், என்று பலவெளிநாட்டு அறிஞரிகளால் அழைக்கப்படுகிறது. இந்துமதசாஸ்திர, சம்பிரதாயங்கள் அறிவியல் ரீதியானவை அவை, மனிதனைமேம்படுத்த, உயர்ந்த தத்துவங்களை உள்ளடக்கி உருவாக்கப்பட்டவை.
கேரளத்தில் உள்ள ஏழு பரசுராமசேஷத்திரங்களில் சித்தர்களாலும் ரிஷிகளாலும் போற்றப்படுவது பத்மநாப சுவாமிகோயில். இங்குள்ள தீர்த்தம் பத்மநாப தீர்த்தம், பிற்காலத்தில் பத்ம தீர்த்தமாகியது. பன்னிரண்டாயிரம் சாளக்ராம கற்களால் உருவாக்கப்பட்டவர் மூலவர். ‘கட்டுச்சக்கர யோகம்” என்ற ஒன்பதாயிரமூலிகைகளால் செய்யப்பட்ட ஒரு மருந்தை மூலவருக்கு பூசி உள்ளனர் நம் முனிவர்கள். ஆதலால் மூலவருக்கு சாத்தப்படும், அர்ச்சிக்கப்படும் மலர்களை மயிலிறகினால்தான் அகற்றுவார்கள். ‘மூன்று வாயிலில் என்னைதரிசனம் செய்” என்று திவாகர முனிவருக்கு பத்மநாபர் ஆணையிட, மூன்று வாயில்களை நிர்மாணம் செய்தனர். இலுப்பை மரத்தடியில் யோக நித்திரை செய்யும் பத்மநாப சுவாமியின் முதல் வாயிலில் அவரது சிரத்தையும் சிவபெருமானுக்கு அருள்பாவிக்கும் பாவனையில் உள்ள வலது கரத்தையும் தரிசிக்கலாம். சிவனும், ஹரியும் நானே என்ற தத்துவம். இரண்டாம் வயிலில் பூமிதேவியும் திருமகளும் கூடியபத்மநாபர், உற்சவர் தரிசனம். மூன்றாவது வாயிலில் திருவடி தரிசனம்.
பத்மாநாப சுவாமி கருவறையில், அவரது தலைக்கு நேர்கீழாக சுரங்கம் உள்ளது. இங்கு ஸ்ரீசக்கரமும் சுதர்னை சக்கரமும் தங்கபாளத்தில் பொறிக்கப்பட்டு வைக்கப்பட்டிருப்பதாகச் சொல்வார்கள். சுரங்கத்தில் கிடைத்தபொக்கிஷமே பல லட்சம் கோடி ரூபாய் மதிப்புடையது. ஆனால் மூலவரின் தலைக்கு நேர் அடியில் இதனினும் அதிகமான மதிப்புடைய தங்க, வைர நகைகள் உண்டு என்றும் சொல்லப்படுகிறது. நரசிம்மமூர்த்தி இந்த ஆபரணங்களுக்கு காவலாக இருக்கிறார் என்பது பெரியோர் வாக்கு. சுரங்க அறைகளை திறந்து ஆபரணங்களை எடுப்பது என்பது தெய்வ குற்றம் என்ற கருத்தும் நிலவுகிறது. இதுவரை கண்டெடுக்கப்பட்ட ஆபரணங்களைக் கண்டுஉலகமே வியப்படைந்தது. ஆனால் இதைக்கண்டு சித்தர்களும் ரிஷிகளும் இறைவனும் வருத்தமுற்றனர் என்கிறது நாடி சாஸ்திரம்.